Avatangiisinut misissuinerit

Suliffeqarfinnik suliniutinik aallartitsisoqaraangat, avatangiisinut pinngortitamullu sunniuteqarsinnaasunik, avatangiisinik misissuisoqassaaq avatangiisinullu sunniutaasinnaasunik nalilersuisoqassalluni. Suut qanorlu misissorneqassanersut, apeqqutaavoq suliniut suussusaa suullu malittarisassaanersut. Avatangiisinut misissuinerit qulakkiissavaat ilisimasat pisariaqartut pigineqarnissaat, taamaasillutik pisortat tunngavissaqarlutik aalajangissammata suliniut akuerissallugu akuerissannginnerluguluunniit.

Aluminiu pillugu suliniummut atatillugu annertuumik avatangiisinut sunniutaasinnaasut nalilersorneqarput (ASN), suliniummut akisussaasoq ASN namminneq suliniut suliarineqarnissaa isumagissavaat. Nalilersuinerup nassuiaatissavaa suliniutip sunniutigisinnaasai, aammalu qanoq iliuuseqartoqassanersoq akornutaasinnaasut annikinnerpaaffianiitinniarlugit. ASN-imi misissuinerit avatangiisinut pisortanit akuerineqassaaq, akuersinnginnermi nalilersuineq misissorneqassaaq nunani tamalaani periusissatut akuerineqarsimasut malinneqarnersut. 

Aamma ingerlanneqassaaq pilersaarusiornermut atatillugu avatangiisit nalilersornerat (SMV), tassani qulakkeerneqassaaq politikikkut aalajangiinissami periusissaq avatangiisillu ilanngunneqarnissaanik, tassanilu apeqqutaatinneqarluni qanoq ittumik ineriartorneq ingerlassanersoq sumilu. 

Misissuititsinerit taakkua tunngavigitinneqarput nunat assigiinngitsut akornanni periutsit malillugit, innuttaasullu atugassarititaat ilanngunneqarlutik. Misissuititsinerup imarisai qanorlu ingerlaneri annertunerusumik paasisaqarfigisinnaavatit periarfissani saamiatungaaniittuni.