Innuttaasunik ataatsimiititsinerit
Aluminiuliorfiliornissaq pilersaarutaalermalli taanna pillugu arlaleriarujussuarluni innuttaasunik ataatsimiititsineqartarsimavoq. Innuttaasunik ataatsimiititsisarnerit ilaat pilersaarut pillugu nalinginnaasumik paasititsiniaanerusarsimapput ilaalli avatangiisinik missisuinernut ingerlanneqartunut toqqaannartumik tunngasuusarsimallutik.
Avatangiisnut tunngatillugu nalilersuinermut (ASN-imik misissuinerit) ilaatillugu ingerlatsinerup ineriartortuarnera naapertorlugu innuttaasunut piffissani aalajangersimasuni saqqummiussisoqartartussaavoq. Taamaaliortoqassaaq misissuinerit ingerlatsinerlu pillugit ilisimatitsissutigineqartassammata aammalu innuttaasut apeqqutinik isummanillu ASN-imik misissuinernut tunngatillugu saqqummiussuisinnaaqqullugit. Ingerlatsinermi pingaaruteqarluinnarpoq innuttaasut peqataatinneqarnissaat.
Maniitsup Katersortarfiani Januaari 2009-imi innuttaasunik ataatsimiititsineq (Asseq: Greenland Development)
ASN-imik misissuinernut atatillugu innuttaasunik ataatsimiititsineq siulleq pivoq 2009-mi januarimi. Ataatsimiinnerit taamaattut Sisimiuni, Maniitsumi Nuummilu ingerlanneqarnikuupput. Tamanna pivoq ingerlatsiviulersussani missuinissamut pilersaarutip saqqummiunneqarneranut atatillugu, innuttaasunillu tusarniaaneqarnerulluni. Innuttaasunik ataatsimiititsinermi pilersaarut saqqummiunneqarpoq aammalu tamatuma kingornagut ilisimatuut assigiinngitsut, ASN-imik misissuinernik suliallit, oqalugiarnissamut periarfissinneqarlutik. Suliaq pillugu annertunerusumik paasissutissiiumalluni taamaaliortoqarpoq, aammali ilisimatuut innuttaasut tungaannit misissuiffissap ingerlanneqarfissaanut tunngatillugu paasissutissanik pissarsisinneqarput.
Misissuiffissanut tunngatillugu innuttaasut apeqqutaat oqaloqatigineqarnerannilu saqqummiutat misissuinissamut pilersaaruterpiap suliarineqarnerani ilanngussuunneqarput aammalu 'Terms of Reference' -imik taaneqartumi allassimallutik.
2010-mi januarimi misissuiffinni misissuinerit inaarsarneqarnerata kingornagut innuttaasunik ataatsimiititsisoqartarpoq. Sisimiuni, Maniitsumi Nuummilu ataatsimiititsinerit saniatigut aamma Kangerlussuarmi ataatsimiititsisoqarpoq. Angusat pingaaruteqarnerit saqqummiussuunneqarput allagartarsuanngorlugillu saqqummiunneqarlutik, illit aamma quppernerup ataaniit downloadersinnaasatit.
Maniitsup Timersortarfianni 2010-mi innuttaasunik ataatsimiisitsinerup ingerlanneqarnerannit (Asseq: Greenland Development)
Avatangiisinik nalilersuinerup inerneri suliarineqareeriarpata innuttaasunik ataatsimiititsineqartaqqittussaavoq. Taanna misissuiffinni misissuinerit inereerpata, aammalu pilersaarutip teknikkimut tunngasortaata qanoq ittuunissaa aalajangiulluarneqariarpat suliarineqarsinnaavoq. Avatangiisinut sunniutaasinnaasunik nalilersuineq ineriarpat tamakkiisumik ASN pillugu nassuiaatissamut missingersuut avammut tusarniaatigineqarumaarpoq innuttaasunillu ataatsimiititsisarnissani saqqummiunneqarumaarluni. Aatsaat taamaaliortoqareerpat VVM pillugu nassuiaat oqartussaasunut aalajangiiffigisassanngorlugu tunniunneqarumaarpoq.
2010-mi innuttaasunik ataatsimiititsisarnerni atortorineqartut (taamaallaat kalaallisut tuluttullu pineqarsinnaapput):
Misissuiffinni misissuinernit paasisat (ERM) | ||
Aalisakkat sisujuitsut misissorneqarnerat | ||
Tuttunik naasoqarnermillu misissuinerit 1 | ||
Tuttunik naasoqarnermillu misissuinerit 2 | ||
Kulturikkut kingornussanik misissuinerit 1 | ||
Kulturikkut kingornussanik misissuinerit 2 | ||
Peqqinnissamut tunngatillugu misissuinerit | ||
Inooqatigiinnermik peqqinnissamillu misissuinerit 1 | ||
Inooqatigiinnermik peqqinnissamillu misissuinerit 2 |
2009-mi innuttaasunik ataatsimiititsisarnerni atortorineqartut (taamaallaat kalaallisut tuluttullu pineqarsinnaapput):
Misissuinissamik pilersaarutip saqqummiunneqarnera (ERM) | ||
Avatangiisinik misissuinerit 1 (silaannaq, pisorpaluk, isit atorlugit, teknik atorlugu) |
| |
Avatangiisinik misissuinerit 2 (aalisakkat tuttullu) | ||
Peqqinnissamut tunngatillugu misissuinerit | ||
Inooqatigiinnermik inuiaqatigiinnermullu tunngatillugu misissuinerit |
|
Allagartarsuit innuttaasunik ataatsimiititsisarnerni atorneqartut amerlanerusut ERM-ip pilersaarut pillugu nittartagaani takusinnaavatit: http://www.erm.com/alcoagreenland
Environmental Resources Management (ERM) tassaavoq nunani allani avatangiisinut tunngatillugu siunnersorteqarfik, pilersaarutip ASN-imik misissuinerinik aquttuulluni ingerlatsisuusoq.