Tunngaviusumik misissuinerit (Baselinestudier - ToR)

Tunngaviusumik misissuinerit tuluttut danskisullu Baselinestudies/Baselinestudier-imik taaneqartartut tassaapput avatangiisinut sunniutissanik nalilersuinermut tunngatillugu sanaartornerit aallartinnginnerini avatangiisinik misissuinerit. Tamakkua suliarineqartussaapput pilersaarutitp sunniutigilersinnaasaanik nalilersuisinnaajumalluni. Taamaaliornikkut ullumikkut pissutsinut tunngatillugu ilisimasat annaaneqannginnissaat aammalu pilersaarutip sunniutigisinnaasaasa paasiniaqqissaarneqarnissaat siunertaralugu.

Suut, tamakkulu qanoq misissorneqarnissaat pilersaarutip misissuinissamut pilersaarutaani nassuiarneqarnikuupput. Tamakkua teknikikkut taagutaat eqqortoq tassaavoq Terms of Reference for the Environmental Impact Assessment for the Greenland Smelter Project (ulluinnarni ToR-imik naalisarneqartartoq). Tamanna, kalaallisut imatut nassuiarneqarsinnaavoq, tunngaviusumik suliassaasut misissuinerillu suliarineqartariaqartut ASN-imik misissuinerit naammaginartumik paasissutissiisut suliarineqarsinnaaniassammata. Suliamik taassuminnga aqutsisussatut nunani allani siunnersorteqarfik nunarpassuarnut tunngatillugu avatangiisinik nalilersuinermik immikkut ilisimasaqartuusoq, ERM, suliniummik ingerlatsisut suliassissimavaa. Misissuinerit aalajangersimasut arlallit ilaatigut Pinngortitaleriffimmit Danmarks Miljø Undersøgelse-millu, ukiorpassuarni Kalaallit Nunaanni avatangiisinut tunngatillugu misissuinermut tunngassutilinnik misissuisarnikkut immikkut ilisimasaqarluarlersimasunit, ingerlanneqartussaapput. 

Tunngaviusumik misissuinernut atatillugu soqutigisallit ilaatinneqartussaapput, soorlu aamma ASN-inik misissuinerit allanut tunngatillugu taamaaliortoqartartoq. Tamanna ilaatigut toqqaannartumik innuttaasunik ataatsimiititsisarnertigut aammalu soqutigisaqaqatigiinnik ataatsimiititsisarnertigut pisarpoq. Soqutigisaqaqatigiit tassaapput inuit ataasiakkaat kattuffiilluunniit sukkut arlaatigut suliniummut attuumassuteqartut. 

ToR-imi misissuinissat aammalu allaffissorluni misissuinissat ingerlatassat suunerinik erseqqissumik, aammalu iliuutsinik apeqqutinillu innuttaasut tungaanniit pissarsiarineqartunik imaqarpoq. 

Avatangiisinik misissuinissamut pilersaarut (ToR) tamakkerlugu uani aaneqarsinnaavoq.