SMV

Pilersaarusiornermut atatillugu avatangiisit nalilersuinerata (SMV) siunertaraa siusissukkut politikikkut aalajanginnginnermi avatangiisinut sunniutaasinnaasunik aammalu iluarsiissutissanik periarfissanik nalilersuinerit, suliniutit anginerusut piareersarnissaanut atatillugu. SMV pisortanit suliarineqartarpoq.

Erseqqinnerusumik itinerusumik avatangiisinut attuumassuteqarsinnaasunik paasissutissanik isummanillu katersuiffiuvoq. Paasissutissat katersukkat politikikkut nunami tamarmi imaluunniit nunap ilaannut anguniakkatut pingaarnertut eqqarsaatitut ilanngunneqarsinnaapput, assersuutigalugu avatangiisinut akornutaasinnaasut pinngitsoortinniarlugit. Qanoq sumilu susoqassanersoq, suliniutip avatangiisinut sunniutigisinnaasai apeqqutaatillugit, politikikkut pisortaqarfikkullu pilersaarusiortoqarsinnaavoq. 

Avatangiisip isumaa annertoorujussuuvoq, tassa naasut, uumasut, nunaq, nunap sananeqaattaa, imeq, silaannaq, klima, kulturikkut eriagisassat, nukiit, isumalluutit, peqqinneq (nappaatit, ajutoornerit il.il.), inuit (pilersaarusiorneq, nunassittarnerup pissusaa, ilinniarsimaneq, suliffeqarneq, pinerluttarneq il.il) aningaasaqarnerlu (nunap ilaani aningaasaqarneq, nuna tamakkerlugu aningaasaqarneq il.il). 

SMV-imit paasissutissat amerlasuut Avatangiisinut Sunniutissanik Naliliinermi (ASN) atorneqarsinnaapput (suliniummut avatangiisinut kingunissaanik nalilersuineq). 

Ineqarnermut, Attaveqarnermut Angallannermullu Naalakkersuisoqarfik pilersaarusiornermut atatillugu avatangiisit nalilersorneranut (SMV) akisussaasuuvoq. 

Aluminiumik suliniummut tunngatillugu pilersaarusiornermut atatillugu avatangiisit nalilersorneranut (SMV) annertunerusumik paasisaqarusukkuit, www.smv.gl toorsinnaavat, tassani nassaarineqarsinnaapput paasissutissat tunuliaqutit, nalunaarusiat aamma tusarniaanermi akissutit.