Toqqaannanngitsumik sunniutit
Toqqaannanngitsumik avatangiisinut sunniutit
Sunniutit assigiinngitsut takkussinnaapput toqqaannartumik suliniummut attuumassuteqanngikkaluarlutik. Soorlu inuit inooriaasiat sunnerneqarsinnaavoq suliniut peqqutaalluni.
Maniitsoq allineqarneratigut, angallanneq, atuineq ulluinnarnilu pissuserineqartoq sunnertussaavaa, sunnertinnerup innuttaasut kulturiannut aningaasaqarnikkullu attuisussaavoq. Toqqaannanngitsumik sunniutit, pitsaasut akornutaasinnaasullu, misissorneqassapput pinngortitamik atuineq, inuunermi atukkat aammalu kulturikkut allannguutit misissorneqarnerisigut. Innuttaasut peqqissusaat misissuinermi ilanngunneqassapput.
Suli paasisaqarusuppit?
Misissuinerit ingerlanneqartut annertunerusumik paasisaqarfiginererusukkukkit, taava "tunngaviusumik misissuinerit" pillugit allaaserisaq (Terms of Reference) immikkoortumi Avatangiisinut misissuinerit atuarsinnaavatit. Misissuinerit pineqartut tassani erseqqinnerusumik itisilersorneqarput.
Aluminiuliorfiup avatangiisinut aniatitsinermut killiliussaat takuneqarsinnaassapput, taakkulu malinneqassallutik. Nunanit allanit killiliussat minnerpaaffissat atuutereerput. Kisianni nunami pineqartumi killiliussat sakkortuneruppata, taakku malinneqassapput. ASN-imi killiliussat atorneqartut pillugit immikkoortumi piumasaqaatit pillugit atuarneqarsinnaapput.