Klima

Ukiuni kingullerni silaannaat kissartut annertuumik eqqumaniarfigineqalersimapput, inuup pissusilersorneratigut qanoq silaannaat kissartut pilersinneqartarnerinut aammalu qanoq silaannaat kissartut klima-mut sunniuteqartarneri eqqarsaatigalugit. Aluminiuliornermik tunisassiorneq tamatumap oqallisigineqarnerani ilaapput, pissutigalugu ilaatigut aluminiuliornerup malitsigisaannik silaannarnik kissartunik pilersitsisarnerat illuatungaanilu, aluminiup tunisassiatut naammassineqarnermigut - silaannarnik kissartunik pilersitsisarnernut annikillisaaniarnernut amerlasuutigut ilaammat.

Taamatut pisoqarnerata saniatigut, nunarsuarmioqatigiinni politikkikkut ataavartumik oqallinneq pivoq, qanoq nunarsuarmioqatigiit suleqatigiillutik ataqatigiittumik klima-mut politikkeqarsinnaaneq, nunat ataasiakkaat pisariaqartitaannut naammaginarsinnaasumik. Kalaallit Nunaallu oqallinnermut tassunga aamma peqataavoq.

Nunami Kalaallit Nunaattut ittumi, ikittuinnarnik innuttaaffigineqartumi taamaattumillu aamma annikittuinnarmik CO2-mik aniatitsiffiusumi, nunap ataatsimut aniatitsinermut naatsorsuutaannut aluminiuliorfeqalerneq sunniuteqangaatsiassaaq.

Erngup nukinga atorlugu aluminiuliorfiliorniarnermik suliniut nunarsuaq tamakkerlugu silaannaat kissartut aniatinneqartut naatsorsuutaannut pitsaaquteqartussaavoq, pissutigalugu ullumikkut pissutsit imaammata aluminiuliorfiit nutaat pilersinneqartartut annertuumik ikummatissanik soorlu gas-imik aammalu aamarsuarnik aallaaveqartarmata.

Allaaserisani tulliuttuni atuarsinnaavatit aluminiuliornermik tunisassiornerup klima-mut qanoq sunniuteqarsinnaanera aammalu nunat tamalaat akornanni nunarsuup kissakkiartornerannik killiliisimaarniarnermut tunngassuteqartut