Maniitsumi innuttaasunik ataatsimiisitsineq
Marlunngornermi septembarip 7-ini 2011-mi Maniitsumi alumiiniumik aatsiteriffiliorniarneq pillugu innuttaasunik ataatsimiititsisoqarpoq, tamatumani Naalakkersuisut, Alcoa Island aamma Qeqqata Kommuniat aaqqissuussisuullutik.
Inuuttaasunik ataatsimiititsinermi Alcoa-p suli pilersaarummik soqutiginninnertik oqaatigivaa. Nunarsuit iluanni alumiiniup soqutigineqarnera annertusiartoqqilernikuuvoq, pisariaqartinneratalu pingaartumik Kinami annertusiartuinnarnissaa oqaatigineqarluni.
Innuttaasunik ataatsimiititsinermi sanaartortitsinissami aningaasartuutissat ernumaginartinneqarlutik, tassa imminut unammillernikkullu akilersinnaasumik aatsiteriffiliornissinnaanissami aningaasartuutissat aporfiliortoorsinnaammata.
Tamatummunnga qaanginiutaasinnaasutut nunanit allanit sulisoqarsinnaanissaq nunanilu allani akissarsiaqartitsisarneq malillugu periarfissatut oqaatigineqarluni, tassa aatsiteriffissap erngullu nukissiorfiliornerinnaap nalaani ukiut tallimani, tamatumanilu soorunalimi sulisoqarnikkut sillimaniarnikkullu piumasaqaatitigut naammaginartumik atugassaqartisisoqartariaqarluni. Tamanna innuttaasunik ataatsimiititsinermi tikinneqarlunilu oqallisigineqarpoq, tamatumanilu aatsiteriffiliassami nalinginnaasumik ingerlalernissaani kalaallit ataavartumik sulisorineqarnissaat pingaartinneqarluni.
Taamatuttaaq allat pingaarutillit marlussuit tikinneqarput, tassa Inatsisartut 2012-p upernaavani ataatsimiinnissaminni aalajangiiniarnissaminni, alumminiumillu aatsiteriffiliornissap ingerlateqqinnissa sioqqullugu tikikkumaagassaat: attaveqaatitigut aningaasartuutissat agguartaarneqarnissaat kiisalu Kalaallit Nunaata qanoq piginneqatigiinnikkut inissikkumaarnissaa. Tamakku saniatigut Qeqqata Kommuniata namminneq illoqarfiup ineriartortin-nissaanut allilernissaanullu atatillugu pilersaarutigigallakkatik saqqummiuppai, taamatullu aamma pilersaarut piviusunngortinneqassagaluarpat taassuma tungaanut aqqusinniorfiginiagassamut tunngasut.
Innuttaasunik ataatsimiititsinermi inuit 80-it peqataajartorsimapput, ataatsimiinnerlu pitsaasumik apeqquteqaate-qarfiulluartumillu ingerlanneqarpoq.
Saqqummiisut saqqummiussaat uani aanneqarsinnaapput:
- Inuussutissarsiornermut Suliffeqarnermullu Naalakkersuisoq Ove Karl Berthelsen: Naalakkersuisuts arbejde for at udvikle aluminiumsprojektet (qallunaatut)
- Sulianut siunnersorti Tønnes "Kaka" Berthelsen: Ny bydelsrapport (qallunaatut)
- Greenland Development-imi pisortaaneq, Flemming Drechsel: Overordnet status for aluminiumsprojektet (qallunaatut)
- Angallanneq pillugu suleqatigiisitani siulittaasoq, Peter Beck: Status for arbejdsgruppen om infrastruktur (qallunaatut)
- Pilersaarusiornermi pisortaq, Sunndal Kommune, Gunnar Olav Furu: Aluminiumsby igennem 50 år - en planlægningsmæssig udfordring (norskisut)
- Ilisimatusartoq Hjalti Johannesson, Akureyri Universitet: Samfundsmæssige konsekvenser af aluminiumsværk- forventede og realiserede (tuluttut)
Assit ataatsimiinermiit:
