Innuttaasunik ataatsimiisitsineq

Marlunngorneq 6. september, nal. 19.00 - 21.30

Maniitsup katersortarfiani

Inuussutissarsiornermut Aatsitassarsiornermullu Naalakkersuisoq Ove Karl Berthelsen aamma Qeqqata Kommuniani Borgmesteri Hermann Berthelsen Maniitsumi aluminiuliorfiliorniarluni suliniut pillugu innuttaasunik ataatsimiisitsinissamut qaaqqusipput, marlunngorneq 6. september nalunaaqutaq 19.00, Maniitsup katersortarfiani.

• Ataatsimiisitsinermi Naalakkersuisup Ove Karl Berthelsenip saqqummiutissavaa suliniutip ineriartortinneqarnissaa pillugu Naalakkersuisut maannamut suliaat,
• Borgmester Hermann Berthelsenillu saqqummiutissavai Qeqqata Kommuniata suliniummut piareersaatai.
• Nunatsinni aluminiuliorfiliorniarnermut Alcoap attaveqaataata Kristjan Halldorssonip suliap ineriartortinneqarnera pillugu Alcoap isumaa saqqumiutissavaa, kiisalu
• Qeqqata Kommuniani siunnersortip Tønnes Berthelsenip Maniitsumi illoqarfiup nutaartassaata kommunimit piareersaaffigineqarnera saqqummiutissallugu.

Saqqummiussisoqareerpat apeqquteqartoqarsinnaallunilu saqqummiussat oqaaseqarfigineqarsinnaassapput.

Innuttaasunik ataatsimiisitsinissaq pingaarnertut kalaallisut ingerlanneqassaaq qallunaatuumut toqqaannartumik nutserisoqassalluni. Kristjan Halldorssonip saqqummiusinera danskisut ingerlanneqassaaq toqqaannartumik kalaallisuumut nutserneqassalluni.

Maniitsumi innuttaasut soqutiginnittut tamarmik tikilluaqqusaapput