Islandip kangianut paasisassarsiorneq iluatsilluartoq

Maniitsumi Sisimiunilu inuussutissarsiortut innuttaasullu sinniisaat, inuit 15-nit, Islandip kangiani Fjardaal-imi Alcoap aluminiuliorfia paasisassarsiorfigaat ulluni 4. – 7. Oktober, 2011. Angalaqatigiit paasisassarsiornertik, aamma suliffinnik Islandip kangiani aluminiuliorfimmik sullissisunik allanillu suleqataasunik ataatsimeeqateqarnermik ilaqartoq, iluarisimaarlugu oqaatigaat

Ole Kreutzmann, namminersorluni inuussutissarsiuteqartoq aamma Maniitsumi innuttaasut peqatigiiffiarnersooq, Qeqqatalu Kommuniani Inuussutissarsiortut siunnersuisoqarfianni Pisortaq Pollas Lyberth, oqaluttuarput paasisassarsiorluni angalaneq paasisaqarfiulluarlunilu pissarsiffiulluarsimasoq, aamma angalaqatigiit ilisimasaqarfigilersimagaat aluminiuliorfik nutaaliaasoq inuiaqatigiinnut avatingiisiminut qanoq sunniuteqartarnersoq, inussutissarsiorneq, aningaasarsiorneq avatangiisit inooqatigiinnerlu eqqarsaatigalugit.

Pisortaq Pollas Lyberth, Qeqqani Inuussutissarsiortut siunnersuisoqatigiiffianeersoq oqaluttuarpoq pissarsilluarsimallutik oqarlunilu: Qeqqata kommuniani inuussutissarsiutit ineriartortinneqarnissaannut pilersaarutitsinnut paasisassarsiornerput isumassarsiorluarfioqaaq. Nuannaarutigaara paasigakku suliffinnut aluminiuliorfissamut pilersueqataasussanut piumasaqaatissanik nalunaarsuilerutta qanoq Alcoap ikiorsinnaaneraatigut, pilersueqataasussat ilisimareerniassammassuk suut piumasaqaataassanersut. Aamma sullissisussanik pikkorissaanissat ineriartortitsinissallu eqqarsaatigalugit ikiorusuppaatigut. Piffissami aggersumi Islandimi paasisasvut ilaasortatsinnut ingerlateqqittussavavut.

Ole Kreutzmann, Innuttaasut Peqatigiiffianni ilaasortaq aamma namminersorluni inuussutissarsiortoq oqaluttuarpoq paasisassarsiorneq pissarsiffiulluarsimasoq, aluminiuliorfiullu inussutissarsiutinut pioreersunut sunniutigisimasai atuutilernermilu kingorna periarfissanik nutaanik inuiaqatigiinnut sunik pilersitsisimanersoq paasisaqarfigilluarsimagitsit:” Alcoap aluminiuliorfiata pilersinneqarnerata siornatigut kingornatigullu inussutissarsiornikkut periarfissat qanoq ittuunersut paasisaqarfigeqaakka, paasivara aluminiuliorfik Islandip kangiamiunut ajoqutaasinnaasunik kinguneqarsimanngitsoq, akerlianilli ajunngitsunik iluaqutaasunillu nassataqarsimasoq. Utoqqaat pulaakkatta nuannaarutigisorujussuuvaat suliffissuup inuiaqatigiinnut pitsaasumik sunniuteqarsimanera, islandip kangiani inuiaqatigiinnut aamma aningaasarsiornikkut. Aamma inuusuttut utoqqaallu peqatigiiffeqarnikkut Alcoa suleqatigilluartorujussuuvaat” Ole Kreutzmann oqarpoq.