Siunissami aluminiuliortarneq
Aluminiuliorfiliortarnerup silarsuaata, taamatullu aluminiuliorfiliorniarluni nunatsinni suliniutip, inissisimanera takusinnaajumallugu sapaatip akunnerani uani tullissaanilu aluminiumik suliffissuaqarneq pillugu allaaserisanik naatsukullannik saqqummiussisassaagut. Suliffissuaqarnerup tunuliaqutaanik paasissutissanik allaaserisat imaqartarssapput aamma siunissami aluminiuliortarnerup, taamatullu nunatsinni aluminiuliorfiliorniarluni suliniutip, ineriartorfissaanik imaqassallutik.
Allaaserisami siullermi aluminiummimik atuisarneq sammineqassaaq. Ullumikkut atuisarneq qanoq isikkoqarpa, siunissamilu qanoq isikkoqassava?
Allaaserisani tullerni sammineqassapput aluminiuliorluni suliffissuaqarnermut sinaakkutissatut piumasaqaataasartut, aamma Kinap aluminiuliortarnermut sunniutai.
Nutaarsiassaliortarnitsinnuttaaq atatillugu sammissamaarparput Inuussutissarsiornermut Aatsitassaqarnermullu Naalakkersuisup Ove Karl Berthelsen-ip november 2011-mi Kinamut paasisassarsiorluni angalanissaa, tassungalu atatillugu aluminiuliorfeqarnernut attuumassuteqartut.
Atuarluarisi