Aluminiumik aatsitiviliornissamut pilersaarut qanoq isumaqarfigaajuk?

Ilisimasaqassutsimut Isummersornermullu ukioq manna misissueqqissaarnerup inerneri decembarimi saqqummerput. HS Analyse ukiut tamaasa 2007-imiilli kalaallit innuttaasut paasiniaavigisarpai aluminiumik aatsitiviliornissaq pillugu pilersaarut qanoq ilisimasaqarfigitigineraat aamma qanoq isumaqarfigineraat.

Piffissami oktoberimiit novemberimut ukioq 2011 telefonikkut apersuinertigut misissuinerit ingerlanneqarput. Apersorneqartut inuit 976-it misissueqqissaarnermi apeqqutinik akissuteqarput. 2011-mut paasiniaaneq TV-kut aallakaatitassiat sioqqullugit suliaavoq.

Misissueqqissaarnermi apeqqutit 21-it aallaaviupput, aluminiumik aatsitiviliornissamut pilersaarut qanoq ilisimasaqarfigineqarnersoq suminngaanniillu ilisimasaqarfigilerneqarnersoq, qanorlu pilersaarut isumaqarfigineqarnersoq aammalu Kalaallit Nunaanut sunniuteqarnera paasiniarneqarluni.

Ilisimasat

Aluminiumik aatsitiviliornissamut paasissutissiisarnerup ataatsimoortup ersissippaa innuttaasut suliniummut qanoq ilisimasaqartiginerat.

Takuneqarsinnaavoq innuttaasut 2008 aallarnerfigalugu ilisimasaat appariarsimasut (tabel 1). Ukioq manna ilisimasat pitsanngoriaateqarput taamaattorli suliniutip aallarteqqaarneratulli qaffasitsiginatit.

Tabel 1: Aluminiumik aatsitiviliorniarnermut pilersaarusiaq qanoq nalunngitigaajuk akissutsit % -inngorlugit ukiuni 2007-2011.

Aluminiuliorfiliornissamut paasissutissiinermut iliuusissat pitsanngorsarniarlugit paasiniarneqarpoq radio, TV, aviisit, nittartagaq, ilisarisimasat inuttaasunullu ataatsimiisitsinerit aqqutigalugit tusagaqartoqarsimanersoq.

Tabel 2 aamma 3-ip takutippaa ikinnerussuteqartut nittartakkatigut aluminiumik aatsitiviliorniarneq tusarfigisimagaat, amerlanerussuteqartullu lokal radiukkut tusarfigisimallugu.

Tabel 2 & 3: Aluminiuliorfiliornermut pilersaarusiaq sumi tusarpiuk % -inngorlugit akissutit 2008-2011.

Ataatsimut isigalugu innuttaasut isumaqarput pilersaarummut paasissutissiisoqarnerusariaqartoq (tabel 4).

Tabel 4: Naammattumik paasissutissiissoqarpa, akissutit % -inngorlugut ukiuni 2007-2011 –ip tungaanut.

Isuma

Misissueqqissaarnermi pingaaruteqartut ilagaat innuttaasut pilersaarut pillugu isumaat nalilissallugu. Ataatsimut isigalugu innuttaasut ukioq manna akuersaartut amerleriarsimapput misissueqqissaarnermut kingullermut sanilliullugu (table 5).  

Tabel 5: Maniitsumi aluminiuliorfiliorniarnermut tapersersuisuuit imalt. akerliuvit akissutit & -inngorlugit ukiuni 2007-2011 tungaanut.

Uani nalunaarusiami apeqqutit sinneri takusinnaavatit misissueqqissaarnermullu tunngasut atuarlugit. Nalunaarusiaq uani aaguk.