Greenland Development-imi pisortaaneq suliffimminit tunuarpoq
Flemming Drechsel ataasinngorneq 5. marts 2012 atulersumik nammineq kissaateqarnini naapertorlugu Greenland Developmentimik pisortaanertut tunuarpoq.
Flemming Drechselip Greenland Developmentimi pisortatut tunuarnerminut peqqutigaa unammilligassanik nutaanik periarfissarsiorusunnini.
Aluminiuliorfiliorniarluni suliniut 2006-mi Namminersornerullutik Oqartussanit aallartinneqarneranut atatillugu Flemming Drechselip pisortaaffigilerpaa Greenland Development, suliniutip ineriartortinneqarnissaanut immikkut sullissisussatut suliffiliaq. Piffissap ingerlanerani suliffeqarfiup naammassisarsimavai misissueqqissaarnerit nalunaarusiallu amerlaqisut, politikkikkut isummersornissamut tunngavilersuutaasut.
Namminersorlutik Oqartussat immerkoortuisa ilaat aamma kommuneqarfiit suleqatigalugit ukiut ingerlaneranni ilisimasanik annertuunik pilersitsisoqarsimavoq aluminiuliorfissamik suliniutip ingerlateqqinnissaanut tunngaviusunik, inuussutissarsiornermi sukassap nutaap pilersinnissaanut tunngaviliisunik, siunissamilu suliffissanik atugarissaarnerullu ingerlatiinnarnissaanik qulakkeerinneqataasussanik.
Siulersuisuni siulittaasoq Steen Montgomery-Andersen ima oqarpoq:
Flemmingip sulilluarsimanera nuannarutigaarput, aluminiuliorfiliornissamullu suliniummut tunniussai qujamasuutigalugit. Aluminiuliorfiliornissamik suliniutip aalajagiiffiginissaata tungaanut Flemmingip pisortaanerata nalaani pingaarutilinnik GD suliniut pillugu tunniussaqarsimavoq.
Siulersuisut siulittaasuat Steen Montgomery- Andersen ilassuteqarpoq:
Uggornartuaannartuuvoq nukiit sulilluartut taamaatinnissaminnik kissaateqaraangata periarfissaminnillu nutaanik ujarlilerlutik. Flemmingip taamaatinniarluni kissaataa ataqqivarput, siunissamilu ingerlalluarnissaanik kissaallugu.
Suliffiup aqunneqarnera
Allaffimmi pisortaq Jesper Malchow Knudsen, 2007-mili Greenland Developmentimi atorfeqarsimasoq, 2005-2007-milu Inuussutissarsiornermut Pisortaqarfimmi atorfeqarsimasoq, GD-mi pisortaagallartutut atorfinitsinneqarpoq. Pisortaagallartup saniatigut GD sisamanik sulisoqarpoq.
Soraarnermi atugassarititat:
Oktober 2011-mi GD-ip suliulersuisui ilisimatinneqarput Flemming Drechselip atorfimminit soraarnissani pilersaarutigigaa. Suliassaminilli arlaqqartunik nammassinneqqaarsimavoq, ilaatigut 2011-mut ukiumoortumik nalunaarusiamik.
Pisortaaneq tunuartoq soraarniuteqarnermi nalaani akissarsiami naliginnaasut saniasigut, soraarnerminut atatillugu immikkut ajunngitsorsiassaqartinneqanngilaq.
Sukumiinerusumik paasisaqarusukkuit uku attavigisinnaavatit
Siulersuisuni siulittaasoq Steen Montgomery-Andersen
+299 55 94 50
Pisortaanerugallartoq Jesper Malchow-Knudsen
+45 2928 2420 / + 299 36 39 90 jesper [at] gd [dot] gl