Suliniut pillugu

Aluminiu pillugu suliniut nunatsinni suliniutit annersaattut ilisimavarput. Aammami oqartoqarsinnaavoq Kunngeqarfimmi aatsaat taama amerlatigisunik suliniummut ataatsimut aningaasaliisoqarniartoq. Suliniut taama annertutigisoq ukiuni arlalissuarni misissuiffigalugu ineriartortinneqaqqaartarpoq, tamatumalu kingorna sanaartorneq aallartikkaangat ukiunik tallimanik sivisussuseqassasoq naatsorsuutigineqartarluni.

Quppernerni uani suliniut pillugu paasissutissat tamalaat tunuliaqutaasullu pissarsiarisinnaavatit, aamma qanoq suliniut piviusunngortinniarneqassanersoq.