Kina aluminiuliornermut pingaaruteqarpoq
Aluminiumik nioqqutissiortut akornanni Kina oqallisigineqartaqaaq. Ukiut qulit ingerlaneranni Kinap aluminiumik atuinini sisamariaammik qaffariarsimavaa, ullumikkullu nunarsuatsinni atuinerpaajulluni
Ataani assiliartaliussani takusinnaaneqarsinnaapput nunarsuatsinni ullumikkut atuinermut tamarmiusumut naleqqiullugu Kinap atuisarnera, 2025-milu qanoq atuitigilersimanissaanik eqqoriaaneq
Aallerfik: Wood Mackenzie/ Brook Hunt
Kina ullumikkut aluminiumik atuinerpaaffittut inissisimavoq, nioqqutissiorfiunerpaatut aamma nunarsuatsinni nunatut atuisartutut nioqqutissiortutullu ineriartorfiunerpaatut.
- Ineriartorneq naliginnaasoq ilutigalugu aamma nunaannarmiit illoqarfinnut nutserneq peqqutigalugu Kinami inuit ataasiakkaat aluminiumik atuinerulersimapput
- Kinami naalakkersuisut anguniagaasa suliniutaasalu malitsigaat ataqatigiisitsinermut sanaartugassanut inissialiornernullu aningaasaliinerusarnerup nassatarisaanik aluminiumik annertuumik atuinerulerneq.
- Kiisalu taasariaqarpoq Kinap suliffissuaqarnikkut nioqqutissiortutut inissisimalluarneranut peqqutaasunut ilaammat nioqqutissiat ilarpassui nunanut allannut nioqqutaasartut aluminiumik akoqarneri. Taamaattumik aluminiumik suliffissuaqarnermut aningaasaliissutaasartut qaffasittuarsinnarput
Kinami aluminiumik suliffissuaqarneq inuiaqatigiinnit naalakkersuisullu politikkiannit annertuumik sunnerneqartarpoq. Naalakkersuisut siunertaat nutaaq tassaavoq ataqatigiisitsinernut sanaartugassanut ikinnerusunik aningaasaliisoqartalernissaa. Tamatuma malitsigissaanik aluminiumik atuinerup annikinnerulernissaa ilimagineqarpoq, suliffissuillu innaallagissamik annertuumik pisariaqartitsisut illoqarfiit inukinnerusut eqqaannut nuutsitserneqassallutik.
Taamaasiornikkut anguniarneqarpoq illoqarfiit aamma suliffissuit akornanni nukissamik atuinikkut unammilleqatigiinnerup minnerulersinneqarnissaa.
Kinalli malinnaaffigiuarnissaa soqutiginartuaannarpoq, Kinami atuisarneq nunarsuatsinni atuisarnerup affaata missaaniimmat, sulilu ineriartorfiulluni. Kinap aluminiumik imminut pilersornini siunissami attatiinnarsinnaassanngippagu nunanut allanut aluminiuliorfiusunut niuerfinngorsinnaavoq pingaaruteqartoq, taamaasillunilu nunarsuatsinni aluminiumik nioqqutissianik patajaatsumik niuerfinngussangami.